Jón Þóroddur Jónsson

9.6.2018 | 07:45

Jóladagsmorgun 2013 - hver á Ísland?

Snemma á jóladagsmorgni á enn einum nýjum stað sit ég í hæstum hæðum ekki ósvipaðri yfir sjávarmáli og krossinn á Hallgrímskirkju. Í útvarpinu er verið að ræða um frelsara heimsins og ósjálfrátt fer ég að hugsa um hvort við íslendingar gætum ekki átt því láni að fagna að eignast nýjan frelsara á næsta ári. Við áttum fyrir allöngu síðan frelsara sem átti stóran þátt í að losa okkur undan oki danskra einokunarkaupmanna en sá Adam var ekki lengi í Paradís því við höfnuðum í klónum á innlendum gróða-græðgis danskættaðri kaupmannaklíku sem síðan hefur ráðið hér lögum og lofum.

Bloggar | Slóð | Facebook | Athugasemdir (0)

2.4.2007 | 15:17

Álver í Straumsvík

Nú hefur naumt lýðræði eina ferðina enn sýnt vanmátt sinn í verki......

Engin rök mæla gegn stækkun álversins, einungis æsingaraddir og fordómar réðu þessum úrslitum sem í raun eru engin úrslit því þarna er naumur meirihluti að níðast á framtíð Íslands.

Vissulega væri skemmtilegra að geta státað af sífelldri sól og sælu á Íslandi en þannig er raunveruleikinn ekki. Ísland er harðbýlt land og við höfum þurft að berjast fyrir lifibrauðinu gengnum tíðina. Álver sem er orðið mjög vistvænt í dag er örugg vísun á betri lífsskilyrði á ísaköldu landi.

Þið þarna í bæjarstjórn Hafnarfjarðar vitið vel að hinn svokallaði meirihluti hefur rangt fyrir sér og nú verðið þið að sýna manndóm ykkar í verki og breyta þessari röngu niðurstöðu, strax, fyrir kosningar til alþingis. Ef ekki mun Samfykingin þurrkast út í Hafnarfirði.

Kveðja, Arkimedes